Варанаўчане прынялі ўдзел у адкрытым фестывалі народнай творчасці “Аўгустоўскі канал у культуры трох народаў”
Прыгожай душэўнай песняй парадаваў гасцей свята народны ансамбль народнай песні “Зараніца”. Даспадобы гледачам прыйшлося і выступленне ўзорнага ансамбля танца “Радунскія салавейкі”. Абодва калектывы ўзнагароджаны дыпломамі за ўдзел у фестывалі.
Заглядвалі святкуючыя і на падворак да нашых майстроў аддзела рамёстваў і традыцыйнай культуры. І на ручнікі з беларускімі лялькамі палюбавацца, і сувеніры на памяць прыдбаць.
